Glory of Sanskrit

 भारतीयसंस्कृतिपथप्रदर्शककरुणालयश्रीकांचीकामकोटि पीठाधिपश्रीचन्द्रशेखरसरस्वतीपादकमलेषु समर्प्यन्ते 'जीवनसौरभे' ग्रथितानि इमानि  पुष्पाणि। 
 
 
सत्यमिदं' संस्कृति: संस्कृतमाश्रिता' इति| सानन्दं लक्ष्यपूर्णजीवनं यापयितुमिह  लोकाभ्युदयाय पारमार्थिक कल्याणाय च यत् किञ्चिदपि अपेक्षितम् तत् सर्वं संस्कृतवाङ्ग्मये विराजते | न केवलं भाषा व्याकरण दृष्ट्या अपितु विषय दृष्ट्या अपि संस्कृतं परिपूर्णरत्नमस्ति | तिलेषु तैलवत् देववाण्याम्  अस्याम् मानवं देवंम्  कर्तुं शक्ति : सुप्रतिष्ठिता । दृढमूलरूपसंस्कृतप्रचारप्रसारजलेन सिञ्चित :संस्कृति पादप :सदा पुष्पितपल्लवित: विलसति । संस्कृतसाहित्यं तदैव जीवति यदा वयं स्वजीवनेन तत् योजयेम वर्तमानसमस्यानाम् समाधानं च  तस्मात् कुर्याम  । अपि च तत्साहित्यरसेन समाजमपि अवगतं कारयेम । अस्मै कार्याय प्रयत्न :द्विविध :भवितव्य :। एकत :आत्मानं तस्य रसेन आप्लावयेत् | अपरत :आधुनिकभाषासु तत्  अनूदित्य जनानपि अप्लावयेत्  । यदि स :स्वयं रसं न जानाति तर्हि अन्यं कथम् रसेन परिचितम्   करोति । यदि अनुवाद :अपि न सम्भव :स्यात्  तर्हि यथाशक्ति ग्रन्थानाम्  मूलसारदानेन जनेषु ज्ञानम् प्रसारयेत्  । एवं जनेषु संस्कृताध्ययनम् प्रति रुचि :जायते । अनेन स्वजीवनमपि सफलं भवेत् समाजसेवा अपि सम्पन्ना स्यात्  । एवं संस्कृतपरिरक्षणम्  मानवरक्षणाय समस्तविश्वरक्षणाय कल्पते ।